concon
Noong huling linggo ng Mayo ay idinaos ang con-con ng LIRA. Siyempre pa masaya ako kasi isa ito sa mga nais na mangyari ng pamunuan noon pa man. Ang dati kasi naming by laws at mga batas ay hindi akma sa aming org. kinopya lang ito sa by laws ng ibang org o corporation. Anyway, marami akong natutuhan at isa rito ay
HINDI BIRO ANG SUMULAT NG BATAS. MARAMI KANG DAPAT ISAALANG-ALANG.
At si mao, ang aming kalihim ay may nais ding I-share. Napakalaki ng naitulong ng taong ito sa paggawa ng by laws namin. Estudyante sya ng law sa UP kaya marami siyang alam na siyempre, kaming mga karaniwang tao saan ka tatakbo e hindi alam o ni hindi man lang nabibigyang pansin.
More or less sa kanyang isnulat sa ibaba, ganyan din ang naiisip at naranasan ko.
Ang sabi ni MAO:
isang pagsusuma ng insights mula sa ating "con-con"…
natutuhan kong:
- mahirap palang gawan ng by-laws ang isang org na 20 yrs na in existence pero informal pa rin ang karamihan sa mga proseso
- mahirap palang gawan ng by-laws ang isang org na pasaway ang members
- mahirap palang gawan ng by-laws ang isang org na pasaway ang advisers
- mahirap palang gawan ng by-laws ang isang org na may members na di na mahagilap o sadyang ayaw magpahanap
- mahirap palang gumawa ng by-laws kapag baliw din tulad mo ang mga kapwa mo officers
- mahirap palang gumawa ng by-laws.
natuklasan kong:
- kapag pala nakatapos ka na ng 4 units ng Consti Law at 5 units ng Civil Procedure ay lusaw na ang utak mo
- nakakaantok basahin ang Corporation Code
- nakakaantok basahin ang Corporation Code, pero pag hindi mo ito binasa bago gumawa ng by-laws at hindi ka sumunod sa mga nakasaad dito ay patay ka sa SEC
- maraming kaek-ekan ang naiimbento ng mga gumagawa ng batas
- maraming kaek-ekan ang naiisip ng mga nag-aaral ng batas at nagtatangka ring magsulat ng batas
- may silbi palang basahin ang Corporation Code kahit hindi mo pa ito pinag-aaralan sa klase
- may silbi pala ang mga kabusisian at kalokohang natututuhan sa kamememorya ng mga Republic Act at Batas Pambansa
- may silbi pala ang utak ng isang law student kahit paano
- hindi pala normal para sa ibang tao ang magpuyat hanggang 5 am, na para sa akin ay parang wala lang
- hindi ko pala kailangan ng kape o Extra Joss para magpuyat hanggang 5 am; pag-usapan lang ang anumang isyu na medyo legal ay gising na gising na ako
- allergic pala talaga ako sa tahong…pero masarap ang bawal!
- masaya palang mag-girls’ night out (kahit pangkape lang ang budget nyo) kung parehong baliw ang kasama mo
nalaman kong:
- baliw talaga ang mga makata’t manunulat
- baliw talaga ang mga abogado at mga nag-aambisyong maging abogado
- baliw talaga ang mga taga-LIRA, kaya pala kasundo ko ang karamihan sa mga tao rito.
